- أول شي لازم تعرف أنو الجنسية الحمصية هبة من الله سبحانه
- لازم تكون مقتنع انو حمص مستقلة و لازم تكون
كرماوي لانو
الكرامةانتماء منفصل
لأن تعيد يوم الأربعاء ، يعني تصيف عالأخير تمشي بعكس السير مثلا ، تلعب بالطابة بالشارع ، تلحق بنت وتلطشها ، تسبح عالشاطئ ، مع إنو ما في شاطئ عنا بحمص ، بس بدك تدبر راسك ، يعني : تخرج عن كل الضوابط والأعراف المألوفة ، فكل ما هو مألوف يجب تغييره يوم الأربعاء .
- لازم تكون من العالم اللي بحبو أكلة المجدرة . مع البصل طبعا . فإذا ماكنت هيك روح دور على غيرنا
- بدك تكون ظريف كتير مع الموظفين ، لأنو عنا الموظفين بحمص الموظفين حساسين كتير و بيزعلو أوام ، يعني بدك تراجعهم بذوء وهدوء بدون ما تجرح مشاعرهم ، ولا تنسى .. المعلوم !! اي اي هه المعلوم لأنو بلاه ما في شي بيمشي .
- لازم يكون عندك فراسة وسرعة بديهة ، وتعرف الشوفير اللي ماشي قدامك لوين رايح وكيف بدو يلف او بدو يضرب فرام ولا لاء !! لأنو عنا بحمص ما حدا بيعطي إشارة وكلو بيطحش على كلو !! وعلى فكرة لازم تزكرو ا كمان انو يشغلك العداد لأنو وين مارحت رح ياخد منك 50 ليرة لذلك فزكرو منشان يشغل العداد
- لازم تكون رئتك ملوثة بنسبة 99.999 % لأنو إذا كنت متعود على الهواء النظيف والعليل ، ما راح يمشي حالك عنا بتمرض بعدين بأمراض مزمنة . لأنو عنا كل أنواع التلوث .. والحمد لله ، إلا إذا حبيت تسكن غرب حمص ، على ضهر القصير مثلا أو بالقرب من مرمريتا ، فيمكن يشي حالك وبيجوز تموت هنيك لأنو الحماصنة بس طلعو من حمص بموتو و طلع السبب انو عم يشمو برات حمص هوا نضيف
- لازم تحكي عالعريض ، أما شو يعني عالعريض ، فلازم تسأل مهران يوسف تبع برنامج سؤال عالماشي ، وإذا حزرت إنت وعشرة كمان فراح يقسم الجائزة بيناتكم ، وغالبا راح يحجبها عنكم
- ولا ننسى الأركيلة .. لازم يكون عندك نفس ماكن يعني شفيط نمرة ون-اولى .
- ممكن تحصل على مرتبة الشرف إذا قتلت تنين حموية ..
- أكيد بدك تحفظ شعار الحماصنة .. وهوي
الحماصني الصقور الحرة .. نظرتهم حادة ومرة .. واللي بيحبهم مرة بيحبوه ألف مرة ومرة ..
وأخيرا وليس آخرا : إذا وجدت هذه الشروط منطبقة عليك أو بإمكانك الوفاء بها ،
والاهم من كل هالشروط يكون الشخص يلي بيكتسب هالشخصية مهضوم كتير والا الحماصنة ما بتقبلوا بنوب بنوب
مفهوم يا سيد....... الكابتن
فلحق حالك ها لأربعاء لأنو كل أربعاء الشروط بتتغير....!!
وكل جنسية وانتم بالف خير
الرئيسية
